Grabitja e pikës së këmbimit valutor në Tiranë, dëshmia e autorit: Kam nënën e sëmurë dhe shumë borxhe

42-vjeçari Luan Maçi para hetuesve ka dhënë deklaratën e tij lidhur me grabitjen e regjistruar të enjten në një pikë këmbimi valutor në zonën e “5 Majit” në Tiranë.

Ai fillimisht ka mohuar të jetë autori, por gjatë kontrollit në banesën e tij policia ka gjetur rrobat e përdorura gjate grabitjes të cilat Maçi i kishte futur në lavatriçe.

Më pas Maçi ka pranuar autorësinë dhe është shprehur se ka kryer grabitjen pasi kishte nënën e sëmure dhe shumë borxhe.

42-vjeçari ka thëne se kishte patur në plan për ta bëre grabitjen më pare, por pas grabitjes në Deliorgj ishte trembur dhe kishte vendosur të vepronte në një moment tjetër.