Greqia mbylli Kapshticën, Drejtoria e Kufirit: Nuk do lejohet të kalojnë as kamionët

Drejtoria Vendore e Kufirit dhe Migracionit Korçë ka dhënë informacion zyrtar pas vendimit të një ditë më parë nga ana e autoriteteve greke për të mbyllur pikën kufitare të Kapshticës dhe pas paqartësisë së sotme ku në kufi është krijuar një radhë e gjatë kamionësh në përpjekje për të kaluar në anën tjetër të doganës.

Teksa sqaron se dogana e Kapshticës do të qëndrojnë e mbyllur deri më 4 dhjetor, Drejtoria e Kufirit thekson se lëvizja nuk lejohet as për këmbësorët dhe as për mjetet, përfshi edhe kamionët, si në hyrje dhe në dalje të Greqisë

“Policia Kufitare e Kapshticës, iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin në drejtim të kësaj pike kalimi.

Përgjatë aksit rrugor Korçë-Kapshticë, do të ketë forca policie të cilat do të mbikëqyrin situatën dhe nuk do të lejojnë kalimin e mjeteve, në drejtim të Kapshticës”, thuhet në sqarimin e drejtorisë së kufirit.

Lexoni gjithashtu:

Kapshtica e mbyllur deri në 4 dhjetor, shoferët: Nuk kemi pasur asnjë informacion, kalimi nga Kakavija kosto e lartë