Haaland arrin rekordin e Messit

Manchester City mund të konsiderohet një pretendent kryesor për fitimin e Uefa Champions League, ndërsa anglezët zyrtarsht janë në fazën çerekfinale të kompeticionit. Së bashku me qytetarët, u kualifikua dhe Interi, i cili edhe pse barazoi pa gola në Dragao, ndeshjen e parë në shtëpi e kishte fituar 1-0.

Përballja e zhvilluar në Ethihad rezultoi një spektakël i vërtetë me një festival golash brenda, ndërsa njeriu i ndeshjes ishte Erling Haaland. Norvegjezi shënoi plotë 5 gola, duke arritur rekordin e Lionel Messit dhe Luis Adrianos, teksa vetëm këta 3 futbollistë kanë arritur një statistikë të tillë.

Skuadra e Guardiolës e nisi mjaft mirë përballjen ku shënoi 3 gola në pjesën e parë, ndërkohë edhe në të dytën dominuan plotësisht duke vulosur triumfin 7-0. Në Portugali, Porto vendase nuk shkoi më tepër se një barazim pa gola në një ndeshje tejet të ekuilibruar, ku rastet ishin të pakta. Me këta rezultat më tej kaluan zikaltrit, që fituan 2 javë më parë në shtëpi, me golin e Romelu Lukakut. Aktualisht 6 skuadra janë konfirmuar në fazën çerekfinale, ndërsa priten dhe 2 të tjera në mbrëmjen e sotme.