‘Hakerat, 1 vit brenda sistemeve’, eksperti Softa: Jemi në luftë të gjatë me Iranin

Eksperti i sigurisë Fatjon Softa, u shpreh në një intervistë për Euronews Albania se për më shumë se 1 vit hakerat kanë qenë brenda sistemeve online, ku kanë marrë edhe të dhëna.

Ai tha se aktualisht jemi në fillimin e një luftë të gjatë me Iranin, sa i përket sulmeve kibernetike.

“Publikimi i të dhënave është diçka shumë negative. Qytetarët duhet të kërkojnë dëmshpërblim për të dhënat personale që u janë publikuar. Nëse kanë depërtuar në sistemim bankar, kjo është një e dhënë shumë sensitive. Ne jemi në fillimin e një lufte të gjatë me Iranin”, u shpreh eksperti.

Ai shtoi më tej se sistemi MEMEX është delikat, por ende nuk e dimë nëse hakerat kanë depërtuar në të.

“Ky sistem është një sistem delikat, nuk e dimë nëse është depërtuar apo jo, por këto të dhëna janë në kuadër të asaj që ne e quajmë luftë hibride”, u shpreh Softa, teksa shtoi se amerikanët kanë ofruar ekspertë për këtë çështje, por nga Shqipëria nuk ka përgjigje.

LEXONI GJITHASHTU:

• ‘Serverat janë në Britani dhe SHBA’, gazetari: Të dhënat nuk janë të MEMEX
• Qarkullonin me armë zjarri, arrestohen 2 persona
• Godaj: Gratë s’e bëjnë mamografinë as falas, preferojnë mos ta dinë nëse kanë kancer