Hapet unaza në lindje të Tiranës, përfundon puna në segmentin nga TEG deri te mbikalimi i Farkës 

Një tjetër segment i Unazës së Madhe të Tiranës është hapur për qarkullimin e automjteve.

Bëhet fjalë për pjesën nga rreth rrotullimi i TEG-ut deri tek mbikalimi i Farkës.

Më herët ministrja informoi se ky segment do të ishte i hapur për të gjithë qytetarët që prej orës 14:00 të ditës së sotme.

Ministrja Belinda Balluku ishte e pranishme në këtë aks, për të thënë se përfundimi i lotit të parë të unazës lindore do të ndikojë në uljen e trafikut në kryeqytet.

“Gjithashtu, pavarësisht se nuk ka akoma lidhje me lotin e dytë, shpërndan një pjesë të trafikut jo vetëm atë që vjen nga Elbasani por mund të jetë edhe një zgjedhje e banorëve të zonës lindore të Tiranës për të aksesuar krahun tjetër të Tiranës nga ky kalim”, u shpreh ministrja.