Haradinaj: Duhet patjetër prania amerikane në tryezën e dialogut me Serbinë

Pas takimit Kurti – Vuçiç, ka reaguar edhe kryetari i Aleancës për Ardhmërinë e Kosovës, ish-kryeministri Ramush Haradinaj.

Duke e cilësuar si një takim të kotë, Haradinaj në një status në rrjetet sociale është shprehur se secila palë ka interes që me retorika populiste të mashtrojë popullin e vet në prag të zgjedhjeve.

Haradinaj ka shkuar me tej, duke kërkuar me forcë praninë amerikane në takimet mes dy liderëve, pasi në të kundërt dëmi do të jetë shumë i madh për Kosovën.

“Secila palë ka veç një interes, që me retorika populiste ta mashtrojë popullin e vet në prag të zgjedhjeve! Kryeministri i Kosovës ka vendosur që të mos bëjë asgjë në këtë proces. Ai nuk po don me e kuptu se pa përfshirjen e SHBA, dialogu është i vdekur. Ai nuk po don me e kuptu se me Borelin e Lajçakun është në qorrsokak. Sa më larg të shtyhet përfshirja e një emisari amerikan në dialog, dëmi do të jetë më i madh, edhe për Kosovën edhe për Kryeministrin! Po të ishte Amerika në dialog, tashmë do të ishim në prag të marrëveshjes përfundimtare! A ka njeri që mund t’ia shpjegojë këtë Albin Kurtit!?”, shprehet Haradinaj.

LEXONI GJITHASHTU:

• Tension në takimin e dytë me Vuçiç, Kurti akuzon Serbinë për tre gjenocide ndaj shqiptarëve
• Kurti: Vuçiçit i propozova deklaratë paqeje me 6 pika
• Vuçiç: Kurti po kthehet 150 vite pas, Serbia gati të bisedojë për çdo gjë