Harry Kane ambicioz: Përveç Kupës së Botës, mendoj se e meritoj “Topin e Artë
Shifrat e Harry Kane këtë sezon janë të denja për një lojtar të klasit botëror. Me 61 gola në karrierën e tij, sulmuesi po e pozicionon veten si një kandidat të fortë për “Topin e Artë”.
Në një intervistë të kohëve të fundit me L’Équipe, Kane zbuloi ambiciet e tij, si dhe dëshirën e tij të paepur për të vazhduar thyerjen e rekordeve.
Tejkalimi i shifrës prej 60 golash nuk është një arritje e vogël; arritja e saj të ngre në një nivel që dikur dukej i paarritshëm.
“Kur e thyen atë barrierë, e gjen veten në një territor të shkelur vetëm nga Messi (73 gola në 2011-2012) dhe Cristiano Ronaldo (61 në 2014-2015)”, pranoi Harry Kane, plotësisht i vetëdijshëm për çelësin e suksesit të tij.
“Arsyeja që ia kam dalë mbanë është sepse, ndryshe nga vitet e kaluara, nuk kam pasur asnjë rënie në formë.”
Kane është si ata peshkaqenë që nuhasin gjak; ai nuhat golat. “Më pëlqen të motivoj veten me statistikat e lojtarëve të mëdhenj, por nuk isha i fiksuar pas tejkalimit të tyre”, pranoi sulmuesi, duke shtuar se nuk hezitoi të pranonte mbështetjen që mori.
“Asgjë nga kjo nuk do të ishte e mundur pa shokët e mi të ekipit dhe stafin e klubit. Një pjesë e madhe e suksesit tim është falë tyre.”
Kjo është arsyeja pse ai konsiderohet si një nga pretendentët kryesorë për “Topin e Artë”. “Veç Kupën e Botës, mendoj se e meritoj ta fitoj. Favoritët janë lojtarët që arritën në finalen e Ligës së Kampionëve dhe unë nuk jam nga ata që kërkojnë njohje. Mundohem që performanca ime në fushë të flasë vetë.”
Për më tepër, fitimi i tij do të kishte një vlerë shumë të veçantë për sulmuesin, pasi gala do të mbahet në Londër. “Ndoshta është një ogur i mirë për mua. Fitimi i tij në qytetin tim të lindjes do të ishte edhe më i veçantë.”
Për sulmuesin anglez, dëshira e pangopur për të vazhduar thyerjen e rekordeve duket e pafundme. “Ky kërkim më motivon dhe më mban të motivuar. Në fakt, tashmë mund të njoftoj se qëllimi im sezonin e ardhshëm do të jetë të tejkaloj rekordin tim të shënimit të golave.”
SHBA konfiskon mbi 300 dronë gjatë Kupës së Botës, shkelën hapësirën ajrore të kufizuar
Cristiano Ronaldo vendos një tjetër rekord historik në Kupën e Botës
Gazetari i përmendi Messin, momenti kur Ronaldo injoron gazetarin: Një pyetje tjetër (VIDEO)
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve