Hetime për trafikun e drogës, arrestohet në Turqi presidenti i Fenerbahce

Presidenti i ekipit turk Fenerbahce, Sadettin Saran, është arrestuar nga policia me akuzën e shitjes dhe përdorimit të drogës.

Prej kohësh, Saran ishte nën hetim, por më herët kishte deklaruar se nuk kishte konsumuar substanca të ndaluara dhe nuk ishte i përfshirë në shitjen e tyre.

Efektivët e policisë zhvilluan kontrolle të detajuara në banesën e tij, dhe më pas ai u mor në pyetje në komisariatin e Stambollit.

Hetimet kanë përfshirë një numër të madh personash të lidhur me trafikun e drogës, dhe në mesin e të arrestuarve nuk kanë shpëtuar as gazetarët.

Arrestimi i tij vjen pak ditë pasi u arrestuan futbollistë, arbitra dhe drejtues ekipesh të përfshirë në baste të paligjshme.

Sa i përket Sadettin Saran, ai është një biznesmen i njohur në Stamboll dhe jo vetëm.