“Himarën e konsideroj origjinën time”, Dendias pas takimit me Ramën: Pakica etnike greke urë miqësie

Ministri grek i Mbrojtjes, Nikos Dendias zhvilloi një takim 2-orësh me kryeministrin Edi Rama në ambientet e Kryeministrisë të hënën.

Në fokus të diskutimeve mësohet se ka qenë mes të tjerash rifillimi i dialogut për zonat detare dhe shelfin kontinental, një proces që ka mbetur i bllokuar prej vitesh.

Në një reagim në X, Dendias shprehet se me kreun e qeverisë shqiptare pati mundësinë të fliste për Himarën, vendi nga siç shprehet ka origjinën, ndërsa thekson se pakica etnike greke është një urë miqësie midis dy shteteve dhe dy popujve.

“U prita nga Kryeministri i Shqipërisë Edi Rama, në kontekstin e vizitës sime në Tiranë. Ne analizuam situatën më të gjerë gjeopolitike në rajonin tonë më të gjerë. Pata mundësinë të flas për Himarën, qytetin nga i cili besoj se vij me origjinë, dhe të përsëris qëndrimin tim se pakica etnike greke është një urë miqësie midis dy shteteve dhe dy popujve”, shprehet Dendias.

Έγινα δεκτός από τον Πρωθυπουργό της #Αλβανίας, Edi Rama @ediramaal, στο πλαίσιο της επίσκεψής μου στα Τίρανα. Αναλύσαμε την ευρύτερη γεωπολιτική κατάσταση στην ευρύτερη περιοχή μας.

Είχα την ευκαιρία να μιλήσω για τη Χειμάρρα από όπου θεωρώ ότι έλκω την απώτερη καταγωγή μου… pic.twitter.com/8nORncOaqh

— Nikos Dendias (@NikosDendias) May 25, 2026