Integrimi i Shqipërisë në BE, Borrell dhe Varhelyi takime online me Ramën

Zv. presidenti i Komisionit Evropian, Josep Borrell ka pasur një video konferencë me Kryeministrin e Shqipërisë, Edi Rama këtë të martë. Borrell ka vlerësuar hapat e Shqipërisë drejt integrimit në BE, ku duke iu referua konkluzioneve të KE-së tha se, vendi është afër plotësimit të kushteve për mbajtjen e konferencës së parë ndërqeveritare.

Zv. Presidenti i KE-së ka theksuar nevojën për të pambushur reformat kyçe që janë identifikuar nga Këshilli i BE-së. “Kontributi i të gjitha forcave politike do të jetë instrument për afrimin e vendit një hap tjetër pranë BE-së”, është shprehur Borrell.

I welcome Albania’s commitment to moving forward on EU accession path.

As discussed with Prime Minster Rama @ediramaal, it is crucial to maintain the dynamic of the EU-Western Balkans relationship. With #Albania playing an important role. pic.twitter.com/mmcDQXUWWG

— Josep Borrell Fontelles (@JosepBorrellF) November 3, 2020

Më herët Komisioneri për Zgjerimin, Oliver Varhelyi ka zhvilluar një takim virtual me kryeministrin e Shqipërisë, Edi Rama ku është diskutuar për procesin e integrimit në Bashkimin Evropian.

Komisioneri i BE-së thotë se, gjatë bisedës së tyre online kanë diskutuar për përfundimin e Kuadri Negociues, mbështetjen për luftën ndaj COVID si dhe për përgatitjen e samitit të Sofjes.

“Një vizitë virtuale e kryeministrit Edi Rama  në BE. Diskutuam punën për finalizimin e Kuadrit Negociues, mbështetjen për luftën kundër COVID-19 si dhe për përgatitjen për samitin e Sofjes që do të mbahet javën e ardhshëm. Mezi pres avancimin e Shqipërisë në rrugën drejt BE-së”, shprehet Varhelyi.

Ky takim online i Ramës me komisionerin e BE-së vjen vetëm në një moment kur vendet anëtare të BE-së duhet të vendosin për datën e mbajtjes së konferencës së parë ndërqeveritare Shqipëri-BE.

Ndonëse ende nuk ka qëndrime zyrtare, Holanda mund të bëhet sërish një vend pengues për integrimin e shpejtë të vendit tonë drejt unionit europian.

A virtual ‘visit’ of Prime Minister @ediramaal to #EU: Discussed the ongoing work to finalise Negotiating Frameworks, support in fight against #COVID19 as well as preparations for #Sofia summit next week. Looking forward to #Albania advancing on EU path. pic.twitter.com/pbzIU1Lz9C

— Oliver Varhelyi (@OliverVarhelyi) November 3, 2020