Holanda mbështeti mbajtjen e Konferencës së Parë Ndërqeveritare, por ka një kusht për Shqipërinë

Parlamenti i Holandës votoi pro hapjes se negociatave për Shqipërinë, por vendimi është shoqëruar me një kusht; mbikëqyrje e vazhdueshme e progresit të Shqipërisë në këtë rrugëtim.

Sipas kërkesës së deputetëve holandezë, kjo mbikëqyrje duhet të kryhet nga Komisioni Evropian dhe duhet të sigurojë përfshirjen e Holandës me përfaqësues të saj.

Do të kërkohet një raportim i përvitshëm në Parlamentin holandez, që do të përfshijë situatën politike dhe çështjet e bashkëpunimit gjyqësor dhe migrimit.

Në raport theksohet përparimi i Shqipërisë në fushat e drejtësisë dhe luftës ndaj krimit të organizuar, si argumente bindes pro çeljes se negociatave.

Por për këtë do të vendosë mbledhja e ministrave të Jashtëm të Bashkimit Europian më 22 qershor. Gjithashtu, një vendim pritet të merret edhe nëse do të ketë ndarje të këtij procesi mes Shqipërisë dhe Maqedonisë së Veriut.