Homazhe për Papa Benediktin në Bazilikën e Shën Pjetrit

Disa mijëra persona i kanë bërë homazhe Papa Benediktit XVI, trupi i pajetë i të cilit është vendosur në Bazilikën e Shën Pjetrit në Vatikan.

Qytetarët qëndruan gjatë në radhë përpara se trupi i tij të transferohej nga manastiri i afërt ku ai ndërroi jetë, ditën e shtunë në moshën 95-vjeçare.

Benedikti XVI ishte një lider kontradiktor për disa, por ishte nderuar si mbrojtës i vendosur i vlerave tradicionale katolike nga të tjerë.

“Ai ishte një person i madh dhe i përulur. Të gjithë e mirëkuptonin”, thotë një grua.

“Ai nuk kishte frikë të përballej me sfidat e sotme. Ishte shumë i hapur lidhur me këtë”, shprehet një tjetër.

Benedikti XVI udhëhoqi Kishën Katolike për 8 vjet përpara se të tërhiqej në 2013-shin për shkak të gjendjes shëndetësore.

Trupi i tij do të qëndrojë i ekspozuar për tre ditë, deri në meshën mortore që mbahet të enjten, nën drejtimin e pasardhësit të tij Papa Françesku.

LEXONI GJITHASHTU:

• Mijëra njerëz në Vatikan për t’i bërë nderimet e fundit ish-Papa Benediktit XVI
• Infermierja zbulon fjalët e fundit të ish-Papa Benediktit të XVI