Hoti apel qytetarëve: Duhet të kemi kujdes maksimal pasi po qarkullon varianti i ri i Covid-19

Ministria e Shëndetësisë ka bërë klasifikimin e ri të komunave sipas zonave bazuar në rezultatet e IKSHPK-së, përkatësisht numrin e rasteve të reja të COVID-19 në 100.000 banorë, në intervalin kohor të shtatë ditëve të fundit.

Nga sot e deri më 15 janar, në zonën e kuqe, janë përfshirë 7 komuna.

Komunat të cilat janë klasifikuara nga minsitria si zona të kuqe për numrin e të infektuarve janë; Prishtina, Fushë-Kosova, Mitrovica e Veriut, Zveçani, Obiliqi, Zubin Potoku dhe Leposaviqi.

Ndërkohë, kryeministri në detyrë, Avdullah Hoti ka thënë se pavarësisht përmirësimit të situatës, duhet kujdes maksimal pasi tani po qarkullon varianti i ri i virusit Covid-19.

“Rangimi i komunave i bërë sot lidhur me masat anti Covid-19 tregon se po përmirësohet gjendja. Por, duhet të kemi kujdes maksimal pasi tani po qarkullon varianti i ri i virusit Covid-19, i cili po përhapet shumë më shpejt’, ka shkruar Hoti në profilin e tij në “Facebook”.