Hoti paralajmëron Kurtin: Zbato marrëveshjen e Uashingtonit, përndryshe nuk e ke të gjatë në qeveri

Ish-kryeministri i Kosovës, Avdullah Hoti ka deklaruar se Kurti nuk do të jetë gjatë në krye të qeverisë, nëse nuk zbaton marrëveshjen e Uashingtonit.

Z. Hoti e ftoi kryeministrin Kurti të kërkojë falje për deklaratën që ka bërë kur ishte në opozitë, ku thoshte se kjo marrëveshje cenonte sovranitetin e Kosovës, ndërsa sot duhet të nisë punën për zbatimin e saj.

“Asgjë nuk është bërë në çuarjen përpara të kësaj marrëveshjeje. Asnjë veprim konkret që kur është përmbyllur njohja nga Izraeli në fillim të shkurtit, njohje që nuk e besonin që do të formalizohej, siç ndodhi me vendosjen e marrëdhënieve diplomatike”, u shpreh z. Hoti.

“Këta që janë në qeveri i ftoj që të kujdesen për realizimin e projekteve të kësaj marrëveshjeje, se përndryshe nuk do ta kenë të gjatë në qeveri”, shtoi ai.

LEXONI GJITHASHTU:

• Zgjedhjet në PDK, Shaqir Totaj: Duhet të zgjidhjet një kryetar fuqiplotë, jo ushtrues detyre
• Enver ​Hoxhaj dhe Kryesia e PDK-së japin dorëheqjen para konventës zgjedhore
• Shengeni rajonal, Vuçiç: I padrejtë vendimi për negociatat me Shqipërinë dhe RMV