Humbi 3 fëmijët nga tërmeti, mesazhi prekës i babait: Viktima të lakmisë sonë

Një dëshmi e trishtë e një babai që humbi 3 fëmijët e tij nga tërmeti vjen nga Turqia.

Osman Demirel, një banor i qytetit të Kahramanmarasit, tha se është lakmia e njerëzve ajo e cila e rriti shkallën e fatkeqësisë natyrore në Turqi.

Teksa shpjegoi dhimbjen e madhe që ka përjetuar, Demirel e drejtoi gishtin drejt njerëzve për këtë tragjedi: “Ne jemi bërë viktima të lakmisë dhe ambicieve tona”, tha ai.

Duke shtuar: “Kemi paguar mijëra lira për shtëpitë që nuk vlejnë aq shumë. Prandaj jemi bërë viktima të mosmirënjohjes dhe lakmisë sonë. Zoti na kujtoi se është pronar i pronës”.

Si pasojë e tërmetit ndërtesa 6 katëshe ku banonte familja e tij, u shkatërrua plotësisht.

Demirel, i cili banonte në atë pallat, mundi t’i shpëtonte tragjedisë pasi ishte në punë në atë orar.

Tre fëmijët e tij humbën jetën në rrënoja, ndërkohë që gruaja e tij shpëtoi vetëm me disa lëndime të lehta trupore.

Si pasojë e tërmetit shkatërrimtar që goditi vendin, Turqia ka regjistruar mbi 38 mijë viktima dhe mijëra të tjerë të plagosur.

LEXONI GJITHASHTU:

• Sizimiologu tregon zonat më të rrezikuara nga tërmeti në Shqipëri
• Studentja siriane në SHBA mbledh 5 500 dollarë për të prekurit nga tërmeti në Siri