Hungaria ka ripërsëritur qëndrimin e saj se është kundër propozimit të Bashkimit Europian për të vendosur embargo ndaj naftës dhe gazit rus.
Zëdhënësi i qeverisë, Zoltan Kovacs tha se Hungaria nuk ka ndryshuar qëndrimin e saj dhe se nuk e mbështet embragon, shkruan BBC.
Një embargo ndaj naftës dhe gazit rus është duke u konsideruar nga Komisioni Europian në raundin e gjashtë të sanksioneve ndaj Moskës.
Ministrat e Energjisë të vendeve anëtare shpresojnë që të arrijnë në një qëndrim të unifikuar teksa pritet të zhvillohen bisedime këtë javë.
Pak ditë më parë, Ministri i Jashtëm i Hungarisë, Péter Szijjártó tha se vendi i tij do ta paguajë në rubla naftën dhe gazin rus.
Sipas tij, nuk ka burime apo rrugë alternative që i mundëson Hungarisë të ndalojë importimin e energjisë ruse në vitet e ardhshme.
Presidenti rus, Vladimir Putin ka bërë thirrje që vendet jomiqësore me Rusinë duhet të paguajnë gazin në monedhën vendase, rubla.
LEXONI GJITHASHTU
- Do ta paguajmë gazin rus në rubla, thotë ministri i Jashtëm i Hungarisë
- Borell: BE-ja nuk është e unifikuar për embargon ndaj naftës dhe gazit rus
