Hysni Gucati e Nasim Haradinaj dalin sot para Gjykatës Speciale në Hagë

Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati dhe nënkryetari i organizatës, Nasim Haradinaj, do të dalin sot para Gjykatës Speciale në Hagë.

Pritet që seanca të nisë në orën 15:00.

Më 11 dhjetor 2020, Gjykatësi i Procedurës Paraprake i Dhomave të Specializuara të Kosovës konfirmoi aktakuzën e parashtruar më 30 tetor 2020 nga Prokurori i Specializuar kundër Hysni Gucatit dhe Nasim Haradinajt.

Këta të fundit akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Në seancën që u zhvillua më 19 dhjetor në Hagë, Hysni Gucati u deklarua i pafajshëm para Dhomave të Specializuara. 

Gucati tha se ai dhe bashkëluftëtarët e tij kanë luftuar për liri dhe në mbrojtje të atdheut. 

Lexoni gjithashtu:

“Sot jam invalid i luftës së UÇK-së”, Gucati në Hagë: Nuk e pushtuam ne Serbinë!

Konfirmohet aktakuza për Haradinajn, veterani UÇK-së do të dalë të martën para Dhomave të Specializuara