Milan dhe Zlatan Ibrahimoviç do të qëndrojnë së bashku edhe për një sezon. Sulmuesi suedez ka nënshkruar kontratën që do ta lidhë me klubin kuqezi deri në qershor të 2023-shit për 1.5 milionë euro, plus shpërblimet që do të vijnë nga golat dhe prania e tij.
Me shumë gjasa, Ibrahimoviç, që po rikuperohet nga ndërhyrja kirurgjike në gju të cilës iu nënshtrua në muajin maj, do të rikthehet në janar të vitit të ardhshëm, pas pushimit për Botërorin.
Ish-golashënuesi i Manchester United dhe Paris ST Germain u kthye tek Milani në vitin 2020, duke e ndihmuar klubin të siguronte titullin e parë në 11 vjet.
Për Ibran, ajo që do të nisë do të jetë sezoni i gjashtë me fanellën kuqezi, me të cilën në 159 ndeshje ka shënuar 92 gola.
Me këto ngjyra ai fitoi kampionatin e vitit 2011 dhe atë të 2022-shit, si dhe një Superkupë italiane, po në 2011-n.
LEXONI GJITHASHTU
- Armando Broja drejt transferimit te skuadra angleze
- U transferua te Barcelona, reagon për herë të parë Lewandowski
- PSG i ofron Lionel Mesit rinovim të kontratës, pritet vendimi i argjentinasit
