Viti i ri, zakoni i vjetër. Zllatan Ibrahimoviç u rikthye të luajë si titullar në kampionati për Milanin pas një mungese gati 2 mujore, duke shënuar një dygolësh përballë Kaljarit.

Tre pikë të arta për kuqezinjtë, që tani e shohin veten të vetëm në krye të klasifikimit, me tre pikë më shumë se skuadra tjetër e Milanos, Inter.

Skuadra e Stefano Piolit e nisi mjaft mirë ndeshjen, me Ibrahimioviç që fitoi një 11-metërsh që në minutat e para. Vetë suedezi e ktheu në gol, duke e bërë më të lehtë ndeshjen për Milanin.

Në pjesën e dytë ishte sërish 39-vjeçari i cili shënoi dhe golin e dytë personal, por vetëm pas ndërhyrjes së VAR goli u konfirmua.

Salmakers i ndërlikoi llogaritë e kuqezinjve, pasi pa u mbushur 10 minuta lojë që kur ishte aktivizuar u ndëshkua me karton të kuq, duke e lënë skuadrën e tij me 10 lojtarë, megjithatë rezultati nuk ndryshoi deri në fund.

12 gola në vetëm 8 ndeshje për Ibrën që e nis 2021-in me të njëjtën uri dhe vrull si viti që lamë pas, me sinjalin e qartë se do të provojë deri në fund ta udhëheqë Milanin drejt titullit të shumëdëshiruar kampion.