Identifikimi biometrik, Celibashi: Proces i vështirë, por janë marrë masat të ketë sukses

Kryetari i Komisionit Qendror të Zgjedhjeve, Ilirjan Celibashi në një konferencë për mediat sqaroi se identifikimi biometrik nuk do të jetë një proces i thjeshtë por janë marrë masat që të jetë i suksesshëm.

Sa i takon testimit të pajisjeve që do të përdoren për identifikimin biometrik, ishte nënkomisionerja, Lealba Pelniku e cila tha se janë kryer të gjitha testimet e nevojshme dhe në fund të testimit të plotë do të bëhet një raport për të parë nëse këto pajisje i kanë përmbushur kriteret.

Ndërkaq gazetari i Euronews Albania, Ardit Hoxha, pyeti nënkomisioneren Pelniku se çfarë do të ndodhë nëse gjatë procesit ka një mosfunksionim të pajisjes së votimit.

“Është detyrim kontraktor dhe i parashikuar në aktet e miratuara nga Komisioni Qendror i Zgjedhjeve, zëvendësimi i pajisjeve brenda dy orësh,” – u përgjigj Pelniku teksa theksoi se do të ketë dhe teknik terreni në dispozicion për cfarëdolloj problemi që mund të shfaqet me pajisjet.

LEXONI GJITHASHTU: 

• Celibashi: Së bashku me median të përcjellim informacionet sesi plotësohet fleta e votimit
• Rezultati i zgjedhjeve në 26 prill, vendimi i rregullatorit në KQZ: Votat të numërohen brenda 13 orëve
• Ambasadorja Yuri Kim shpreh mbështetjen për KQZ-në dhe mbarëvajtjen e procesit zgjedhor