Igli Tare drejt Tottenham

Ish-futbollisti i njohur shqiptar Igli Tare, që mban rolin e drejtorit sportive tek Lazio mund të zhvendoset drejt Premier League-s angleze.

Mediat britanike shkruajnë se Totenhemi ka shfaqur interes për 49-vjeçarin, i cili shihet si kandidat për të zëvendësuar Fabio Paraticin. Ky i fundit po përballet me situata aspak normale, për faktin se është dënuar me 30 muaj përjashtim nga futbolli italian për përfshirjen e tij në parregullsi të supozuara financiare dhe kontabilitet të rremë tek Juventusi.

Bazuar në rregullat e FIFA-s, dënimi qëndron vetëm brenda Italisë, por në rast se federata italiane e futbollit vendos, atëherë dënimi aplikohet edhe në Evropë. Në këtë pikë, Paratici do të ishte i detyruar që në 3 vitet e ardhshme të qëndronte larg futbollit.

Duke parë dhe faktorët e tjerë pozitivë, Igli Tare shihet si zëvendësuesi i duhur i italianit. Tare ka bërë një punë të jashtëzakonshme në kryeqytetin e Italisë, ndërkohë ende nuk ka firmosur për rinovim. Pak kohë më parë, 49-vjeçari ka shprehur dëshirën e tij për një eksperiencë të re, që ndoshta e radhës do të jetë në ishull.

LEXONI GJITHASHTU:

• Igli Tare: Juventus, Roma, Inter dhe Milan të falimentuara, por i duhen sistemit
• Igli Tare drejt largimit nga Lacio