Incident me të shtëna në Gjeorgji: Pesë ushtarë të plagosur, arrestohet autori

Pesë ushtarë janë plagosur sot në një incident me të shtëna zjarri në zonën e Ekipit Luftarak të Brigadës së 2-të të Blinduar (2nd ABCT), brenda kompleksit ushtarak Fort Stewart.

Të plagosurit u trajtuan fillimisht në vendngjarje dhe më pas u transferuan për trajtim të mëtejshëm në Spitalin Komunitar të Ushtrisë Winn. Fatmirësisht, nuk raportohet ndonjë kërcënim aktiv për komunitetin në këtë moment.

Forcat e rendit u thirrën në vendngjarje pas një raportimi për të shtëna të mundshme rreth orës 10:56 të mëngjesit. Autori i dyshuar i të shtënave u arrestua në orën 11:35, ndërsa instalacioni ushtarak u vendos në gjendje bllokimi në orën 11:04 dhe ky bllokim u hoq në zonën kryesore të kazermës në orën 12:10 pasdite.

Kompleksi i 2-të ABCT mbetet ende i mbyllur, ndërkohë që hetimet për ngjarjen janë në vazhdim. Autoritetet nuk kanë dhënë ende informacione të mëtejshme për motivet apo identitetin e autorit, duke theksuar se çështja është ende nën hetim.

LEXONI GJITHASHTU:

• Aksident detar në Greqi, plagosen tre turistë nga Kosova
• Ambasada e SHBA në Tiranë pret deputetët e rinj: Presim të punojmë së bashku