Incidenti me ashensorin në Astir, arrestohet tekniku

Policia e Tiranës ka arrestuar teknikun e mirëmbajtjes së ashensorëve në kompleksin “Fratari” në zonën e njohur si Astiri.

Ndalimi i tij erdhi pasi gjatë mesnatës ashensori i një pallati 8-katësh është shkëputur, duke rënë në gjendje të lirë së bashku me disa persona brenda ku një 27 vjeçare mbeti e lënduar.

I arrestuari sipas policisë është i punësuar si teknik i mirëmbajtjes dhe kontrollit të ashensorëve, në kompleksin e pallateve “Fratari” dhe nuk ka konstatuar problemin teknik që ka pasur ashensori i njërit prej pallateve të kompleksit.

Tekniku akuzohet për shkelje të rregullave të mbrojtjes në punë, kurse vëllai i tij që punon si administrator i firmës do të hetohet në gjendje të lirë.

LEXONI GJITHASHTU:

• Shkëputet ashensori në një pallat në “Astir”, plagosen dy gra
• Banorët e pallatit në ‘Astir’ thonë se ashensori ka pasur probleme të vazhdueshme