India pushtohet nga smogu toksik, vonohen oraret e fluturimeve

Smogu toksik shkaktoi vonesa të fluturimeve në aeroportin e Nju Delhit sot, me aplikacionin për gjurmimin e fluturimeve Flightradar24 që tregon se 88 për qind e nisjeve dhe 54 për qind e mbërritjeve u vonuan, raportoi Reuters.

Zyrtarët fajësuan nivelet e larta të ndotjes, të kombinuara me lagështinë dhe erërat e reduktuara, për smogun e dendur, i cili uli dukshmërinë në aeroportin ndërkombëtar në 300 metra.

Smogu mbuloi gjithashtu monumentin e famshëm indian të dashurisë, Taj Mahal në qytetin e Agra, si dhe faltoren më të shenjtë të Sikizmit, Tempullin e Artë në Amritsar.

Sipas matjeve në atë faqe interneti, Nju Delhi aktualisht është në vendin e dytë në botë për ndotjen e ajrit, që është në kategorinë e “rrezikshme”.

Ministria indiane e Shkencës njoftoi gjithashtu se ndotja në Nju Delhi pritet të mbetet në kategorinë e “rrezikshme” nesër.

LEXONI GJITHASHTU:

• Izraeli vazhdon sulmet ajrore në Bejrut
• U arrestua pasi prodhente pornografi me të mitur, historiku i krimeve të 71-vjeçarit