Infantino: Trump më telefonoi vërtet, por organet gjyqësore të FIFA-s janë të pavarura

FIFA e gjeti veten në qendër të Kupës së Botës me vendimin e saj për të lejuar Balogan të luajë për SHBA-në kundër Belgjikës për raundin e 16-të.

Gianni Infantino, presidenti i FIFA-s, bëri deklarata në lidhje me këtë çështje, të cilat morën vrull pas raportimeve që përfshinin ndërhyrjen e Trump nëpërmjet një telefonate.

“Kam parë komentet e publikut mbi vendimin e Komitetit të Pavarur Disiplinor të FIFA-s për përjashtimin e Folarin Balogun dhe do të doja të përsërisja një parim themelor të qeverisjes së FIFA-s.

Organet gjyqësore të FIFA-s janë të pavarura. Ato veprojnë në mënyrë autonome, zbatojnë Kodin Disiplinor të FIFA-s dhe vendosin për çështjet bazuar në rregulloret në fuqi dhe faktet specifike para tyre.

Pavarësia e tyre është thelbësore për besueshmërinë dhe integritetin e futbollit dhe kjo duhet të respektohet gjithmonë”, shprehet Infantino në një reagim në X.

“Po, unë diskutoj rregullisht çështje që lidhen me Kupën e Botës FIFA me Presidentin e Shteteve të Bashkuara dhe për këtë çështje, mora një telefonatë nga Presidenti Donald Trump, ashtu siç marr telefonata nga krerët e shteteve, zyrtarë qeveritarë, palë të interesuara në futboll dhe drejtues biznesi nga e gjithë bota për shumë çështje të ndryshme.

Gjatë bisedës sonë, shpjegova se ekziston një proces ligjor në vazhdim që përfshin organet e pavarura gjyqësore të FIFA-s dhe se çështja do të dëgjohet në kohën e duhur nga organet kompetente.

Kështu funksionon sistemi i FIFA-s dhe është një parim që unë do ta mbështes gjithmonë.

I lexoj vendimet e Komitetit Disiplinor të FIFA-s kur ato nxirren. Ndonjëherë më habisin. Ndonjëherë pajtohem me to dhe ndonjëherë nuk pajtohem.

Megjithatë, ajo që bëj gjithmonë është të respektoj këto vendime dhe autonominë e organeve që i marrin ato. Nëse ne personalisht na pëlqen një vendim apo jo, kjo nuk ka rëndësi.

Respekti për institucionet e pavarura dhe sundimin e ligjit është ajo që mbron integritetin e garave tona dhe besueshmërinë e FIFA-s në çdo kohë”, është shprehur kreu i FIFA-s.

FIFA President Gianni Infantino:

“I have seen the public comments regarding the decision of the independent FIFA Disciplinary Committee related to the suspension of Folarin Balogun, and I would like to reiterate a fundamental principle of FIFA’s governance.

“FIFA’s judicial… pic.twitter.com/FzeWuMQIXf

— FIFA Media (@fifamedia) July 6, 2026