Infektimet bien ndërsa Gjermania pret lehtësimin e masave

Numri i rasteve të reja me COVID-19 në Gjermani ka rënë, ndërsa qeveria planifikon lehtësimin e masave.

Mbi 76 mijë raste u raportuan të hënën, 20 për qind më pak se e hëna e javës së kaluar.

Kancelari gjerman Olaf Scholz dhe krerët e shteteve federale do të takohen të mërkurën për të diskutuar lehtësimin e mundshëm.

Ka mundësi të hiqet kërkimi i certifikatës së gjelbër ose testi i COVID në dyqane.

Drafti i qeverisë gjermane përfshinte lejimin e më shumë se 20 personave në tubime.

Në një fazë të dytë të lehtësimit, klubet e natës mund të rihapen dhe gjermanët e pavaksinuar do të lejohen në restorante nga 4 marsi, tregoi drafti i parë nga Reuters.

Mbajtja e maskave në ambientet e mbyllura do të mbetet në fuqi.

Ministri i Financave Christian Lindner u bëri thirrje gjithashtu qeverive federale dhe shtetërore të vendosin për një lehtësim gjithëpërfshirës në takimin e tyre të mërkurën, duke shtuar se duhet të ketë një “ndryshim të dukshëm në jetën e përditshme”.

Am 20. März laufen die aktuellen Corona-Maßnahmen aus. Klar ist: Deutschland braucht eine #Öffnungsperspektive. Wir sollten jetzt beginnen, über eine Aufhebung von Freiheitseinschränkungen zu sprechen. CL https://t.co/1FgXtyExxq

— Christian Lindner (@c_lindner) February 10, 2022

LEXONI GJITHASHTU:

• Gjermania njeh patentat shqiptare