​Infektologu Izet Sadiku: Po hyjmë në një periudhë që favorizon përhapjen e Covid-19

Kosova ditëve të fundit ka shënuar rënie të numrit të rasteve të reja me coronavirus. Këto lehtësimi kanë ndikuar që qeveria të lirojë masat për luftimin e përhapjes së kësaj sëmundjeje të rrezikshme, infektologët thonë se rënia e rasteve të reja nuk duhet të prodhojë veprime të papërgjegjshme.

Infektologu Izet Sadiku thotë se tani vendi po futet në një periudhë që e favorizon përhapjen e coronavirusit për shkak të gripit sezonal.

 Ai bën thirrje që në këtë situatë mjekët duhet të luajnë rol primar dhe jo politika.

“Për këtë arsye duhet një angazhim i të gjithëve, i qytetarëve dhe i institucioneve me qëllim që të mbajmë numrin e vogël të rasteve dhe kështu bashkërisht të shpëtojmë jetë. Në këtë ballafaqim, rolin primar duhet ta mbajnë profesionistët shëndetësorë e në asnjë mënyrë nuk duhet politikanët të dalim para profesionistëve shëndetësorë”, ka shkruar ai në “Facebook”.

Lexoni gjithashtu: 

Tre të vdekur dhe 47 raste të reja me COVID në Kosovë