Iniciativa “Ballkani i Hapur” përçon mesazh të rrezikshëm, thotë zv. kryeministrja e Kosovës

Zv. kryeministrja e Kosovës, Donika Gërvalla e cilëson nismën rajonale “Ballkan i Hapur” si të rrezikshme pasi përmes saj krijohet përshtypja se rajoni ka alternativë tjetër përveç integrimit në Bashkimin Evropian.

Në një konferencë të përbashkët me homologun e saj në Shkup, ministrja e Jashtme dhe Diasporës tha se nuk ka nevojë për nisma rajonale.

Një ditë pasi Shqipëria, Maqedonia e Veriut dhe Serbia nënshkruan marrëveshje për nismë rajonale, e njohur si minishengeni ballkanik por që dje u emërua si “Open Ballkan”, ministrja e Jashtme e Kosovës ka treguar edhe njëherë qëndrimin e qeverisë në kundërshtim të kësaj nisme.

“Krijohet përshtypja sikur përçohet mesazhi sikur kemi alternativë ndaj rrugës sonë të përbashkët si rajon drejt BE-së. Përçimi i këtij mesazhi është më i rrezikshëm se sa vetën vonesat në integrimin evropian”, tha Gërvalla.

Ajo ka përmendur procesin e Berlinit në të cilin janë pjesë të gjitha vendet e rajonit, për çka ka thënë se hapja e nismave paralele nuk paraqet diçka të re.

LEXONI GJITHASHTU:

Ministrja e Jashtme e Kosovës në RMV, takim me Zaevin