Integrimi në BE, Hohmann: Muajt e ardhshëm, thelbësorë për perspektivën evropiane

Ambasadorja e Bashkimit Europian në Shqipëri, Christiane Hohmann është takuar këtë të hënë me ambasadoren e SHBA, Yuri Kim. Në mesazh e saj, Hohamann thotë se pas çeljes së negociatave, muajt e ardhshëm do të jenë thelbësorë për perspektivën europiane të vendit.

Pak javë pasi ka mbërritur në Shqipëri, Ambasadorja e Bashkimit Europian në vendin tonë, Christiane Hohmann është takuar me ambasadoren e SHBA-së, Yuri Kim.

Në një reagim në rrjetet sociale, Hohmann shkruan se SHBA dhe BE do të punojnë së bashku për rrugëtimin e Shqipërinë në familjen europiane.

“Si një partnere e rëndësishme në Shqipëri, mezi pres të punojmë së bashku për të mbështetur vendin në rrugën drejt BE-së. Pas mbajtjes së Konferencës së parë Ndërqeveritare, muajt e ardhshëm do të jenë thelbësorë për perspektivën evropiane të Shqipërisë”, tha Christiane Hohmann ambasadore e BE në Shqipëri.

Pas takimit, edhe ambasadorja Yuri Kim reagoi në rrjetet sociale duke thëne se SHBA mirëpret të punojë me BE për integrimin e plotë të Shqipërisë në BE.

“Shtetet e Bashkuara janë të gëzuara që negociatat për anëtarësimin e Shqipërisë në Bashkimin Europian kanë nisur zyrtarisht. Ne mirëpresim që të punojmë ngushtë me ekipin e BE për të mbështetur përpjekjet e popullit dhe qeverisë shqiptare, përfshirë zbatimin e plotë të reformës në drejtësi”, u shpreh ambasadorja e SHBA.

LEXONI GJITHASHTU:

• Integrimi në BE, Varhelyi përmbledh detyrat për secilin shtet të Ballkanit Perëndimor
• Integrimi në BE, Edi Rama: S’jemi gati për t’u anëtarësuar, por për negociatat po