Inter e nis me fitore, zikaltrit mposhtën 4-3 Fiorentinën në ndeshjen e parë të sezonit

Interi e ka nisur sezonin e ri të Serisë A me një fitore dramatike. Të shtunën në mbrëmje, zikaltrit kanë mundur 4-3 Fiorentinën në San Siro, në një ndeshje pa praninë e tifozëve, por që ka dhuruar spektakël. Ekipi vjollcë kaloi në avantazh që në minutën e tretë të takimit me anë të sulmuesit Kuame.

Rezultati u barazua në sekondat e fundit të pjesës së parë me anë të sulmuesit argjentinas, Lautaro Martinez. Pjesa e dytë e takimit dhuroi 5 gola, me miqtë që ishin tri minuta larg sigurimit të tri pikëve.

Tri pikë që i kanë shkuar Interit falë dy golave të realizuar në harkun e dy minutave nga Lukaku dhe D’Ambrosio. Për zikaltrit debutoi edhe blerja më e re, mesfushori Arturo Vidal.