Inter Miami refuzon ofertat për Lionel Messin, 38-vjeçari nuk shitet

Lionel Messi është lojtari kryesor i Inter Miamit dhe për asnjë vlerë apo arsye nuk do të shitet, edhe pse interes ka pasur nga skuadra të njohura në Evropë.

38-vjeçari po kalon një periudhë pozitive në MLS, aty ku duket se do të pensionohet, megjithatë kjo nuk i ndalon ekipet e ndryshme të ëndërrojnë transferimin e tij.

Sipas informacionit të publikuar së fundmi, Chelsea, Benfica dhe Galatasaray tentuan të sigurojnë shërbimet e argjentinasit në janar, por u refuzuan nga Inter Miami.

Një kontratë afatshkurtër ishte gati për mëngjarashin, i cili vitin e ardhshëm do të marrë pjesë në një tjetër Kupë Botërore.

Chelsea dhe dy skuadrat e tjera shprehën dëshirën për të afruar Messin me një kontratë deri në fund të sezonit, por ideja u hodh poshtë menjëherë nga drejtuesit e Inter Miami, mes tyre edhe David Beckham, i cili e bindoi lojtarin të zgjidhte MLS.

Mbetet për t’u parë në vijim nëse Messi do të synojë një tjetër skuadër, pasi duhet të jetë në formë për Kupën e Botës.

Formati i MLS mund t’i prishë pak punë rekordmenit të Topit të Artë, pasi në rast eliminimi në Play-Off do të qëndrojë 2-3 javë larg fushave.