Interi nuk di të fitojë, Juventus thellon krizën

Interi ka pësuar humbjen e tretë në kampionat në shtatë javë të luajtura, duke konfirmuar se është në krizë të plotë. Të besuarit e Simone Inzagit u mposhtën nga Udinese me rezultatin 3-1.

Një ndeshje e cila ishte deri diku e barabartë, madje me zikaltrit që shënuan të parët me Barelën. Në minutat në vijim gjithçka u përmbys. Interi e nisi sezonin me synimin kryesor Skudeton, por duket se është shumë larg.

Një nisje e tillë e kampionatit, me këto disfata nuk I ndodhte Interit prej sezonit 2011-2012. Ndërkohë kjo është hera e katërt që regjistrohet diçka e tillë. Fillimisht në sezonet 1998-1999 dhe më pas 2000-2001.

Interesant është fakti se në të gjitha periudhat e errëta të sipërpërmendura, zikaltrit nuk kanë fituar as kampionatin dhe as Champions Leaguen.

Jo vetëm kaq, por nuk ka mundur dot të mbërrijë në 4 vendet e para, duke shkarkuar menjëherë trajnerin. Aktualisht Inzaghi vijon të jetë ende në krye të skuadrës. Kriza të plotë po kalon dhe Juventusi, i cili ka vetëm 1 fitore në 4 javë.

Skuadra e Alegrit u dorëzua përballë Monzës, në ndeshjen e cila përfundoi 1-0. Torinezët luajtën me 1 lojtar më pak për 50 minuta, pas ndëshkimit me karton të kuq të Di Marias.

LEXONI GJITHASHTU

• Potter i bindur nga Broja, sulmuesi mund të fitojë vendin e titullarit tek Çelsi
• Partizani me sytë nga Kukësi, Kolela: Pres më tepër nga lojtarët
• Vllaznia pret Kastriotin, Josa: Duhet karakter për të fituar, luhatjet më mërzisin