Irani mohon se do të nënshkruajë marrëveshjen me SHBA-në të dielën

Zëdhënësi i Ministrisë së Jashtme iraniane, Esmaeil Baghaei tha të shtunën se nënshkrimi i një marrëveshjeje midis Uashingtonit dhe Teheranit nuk do të ndodhë nesër pavarësisht një sugjerimi nga ndërmjetësi kryesor Pakistani.

“Mundësia që kjo të ndodhë në ditët në vijim nuk përjashtohet. Megjithatë, për shkak të paqëndrueshmërisë së palës tjetër, duhet të jemi të kujdesshëm ndaj çdo deklarate në lidhje me këtë proces”, tha Baghaei.

 “Kjo nuk është një marrëveshje përfundimtare midis Iranit dhe Shteteve të Bashkuara, por më tepër një memorandum që përshkruan pikat kryesore të mosmarrëveshjes dhe sqaron se lufta do të përfundojë”, shtoi zëdhënësi iranian.

Komentet nga Baghaei, i cili ka shërbyer si zëdhënës i ekipit negociator iranian, vijnë pasi Pakistani tha të shtunën se kushtet e mundshme pritej të finalizoheshin në 24 orët e ardhshme.