Irani rihap Ngushticën e Hormuzit, kompanitë e transportit detar ende të pasigurta për të kaluar

Gjigantët e transportit detar shprehën pasiguri në lidhje me kalimin e Ngushticës së Hormuzit pasi Irani dhe Presidenti i SHBA-së Donald Trump njoftuan se rruga ujore është rihapur për anijet tregtare.

Kompania daneze e transportit detar Maersk tha se e ka marrë njoftimin. Sipas tyre, siguria e ekuipazhit, anijeve dhe ngarkesave të klientëve mbetet përparësia e tyre.

“Që nga shpërthimi i konfliktit, ne kemi ndjekur udhëzimet e partnerëve tanë të sigurisë në rajon dhe rekomandimi deri më tani ka qenë të shmanget kalimi tranzit nëpër Ngushticën e Hormuzit”, tha Maersk në një deklaratë.

Ndryshimet në atë vendim do të bazohen në vlerësimet e rrezikut mbi zhvillimet e fundit të situatës së sigurisë në ngushticë, tha Maersk.

Një zëdhënës i kompanisë gjermane të transportit detar Hapag-Lloyd e përshkroi njoftimin e rihapjes si “lajm të mirë”.

“Ende ka disa çështje të hapura nga ana jonë, por ato mund të zgjidhen brenda 24 orëve të ardhshme”, tha zëdhënësi.

“Nëse të gjitha çështjet e hapura sqarohen ne do të preferonim ta kalonim ngushticën sa më shpejt të jetë e mundur”, shtoi ai.