Irani: Veprimet e Trump tregojnë se ai nuk është i interesuar për negociata

Një këshilltar ushtarak i udhëheqësit suprem të Iranit, Mohsen Rezaee, ka akuzuar Presidentin amerikan Donald Trump se nuk është i interesuar për negociata me Teheranin, duke e lidhur këtë me vazhdimin e bllokadës detare dhe kërkesat e SHBA-së në bisedime.

Në një reagim të publikuar në rrjetin social X, Rezaee tha se qëndrimi i Uashingtonit dhe kërkesat e tij në negociata tregojnë se SHBA po ndjek objektiva të tjera dhe jo një zgjidhje diplomatike me Iranin.

Deklarata vjen në një kohë kur raportime të mediave ndërkombëtare, përfshirë The New York Times, bëjnë të ditur se ende nuk është marrë një vendim përfundimtar mbi një marrëveshje të re mes SHBA-së dhe Iranit. Sipas këtyre raportimeve, megjithatë, disa pjesë të një marrëveshjeje të mundshme thuhet se janë diskutuar dhe dakordësuar paraprakisht.