Iranianët të zemëruar, vijojnë protestat për vdekjen e të resë që veshi keq hixhabin

Irani  përballet  me kritika ndërkombëtare për vdekjen e një vajze 22 vjecare e cila u burgos nga policia e moralit sepse kishte veshur keq hixhabin.

Me qindra qytetarë vijojnë të dalin në rrugë e të protestojnë kundër autoriteteve.

Protestuesit janë përplasur me forcat e sigurisë, qindra prej tyre janë arrestuar ndërsa 5 persona raportohet se kane humbur jeten

Zyra e OKB-së për të drejtat e njeriut bëri thirrje për një hetim se cfarë ndodhi me të renë e cila sipas policisë pësoi atak

“Vdekja tragjike e zonjushës Amin dhe akuzat për torturë  e keqtrajtim duhet

të hetohen menjëherë, në mënyrë të paanshme dhe efektive nga një autoritet i pavarur, kompetent që siguron, në veçanti, që familja e saj të ketë akses në drejtësi dhe të vërtetën.” U shpreh Ravina zëdhënëse e Kombeve të Bashkuara për të drejtat e njeriut.

Shtetet e Bashkuara, të cilat po përpiqen të ringjallin marrëveshjen bërthamore të vitit 2015 me Iranin, i bënë thirrje Republikës Islamike që t’i japë fund “persekutimit sistematik” të grave. Zyrtarët iranianë i hodhën poshtë kritikat si të motivuara politikisht dhe akuzuan vendet e huaja të paidentifikuara për nxitjen e trazirave.

LEXONI GJITHASHTU

• Iran: Gratë djegin shamitë në protestat kundër hixhabit
• E vranë sepse s’kishte veshur siç duhet hixhabin, protesta në Iran për Mahsa Aminin