Isa Mustafa: Nëse nuk ka marrëveshje për presidentin, zgjidhje janë zgjedhjet

Kryetari i Lidhjes Demokratike të Kosovës, Isa Mustafa nuk e ka mohuar përkrahjen e një kandidati të Partisë Demokratike të Kosovës për president të vendit, por tha se ende nuk e kanë biseduar një gjë të tillë me drejtues të kësaj partie.

Pas takimit me shefin e grupit parlamentar të partisë në Kuvend, kreu i LDK-së shtoi se nëse nuk arrihet një marrëveshje politike për presidentin, atëherë zgjidhje e vetme janë zgjedhjet.

Kjo deklaratë vjen pas arrestimit të ish-presidentit Hashim Thaçi, pas akuzave të ngritur nga Gjykata Speciale. Thaçi së bashku me  Kadri Veselin, Rexhep Selimin dhe Jakup Krasniqin akuzohen për krime lufte, ndalim të paligjshëm ose arbitrar, trajtim mizor, torturë dhe krime kundër njerëzimit,  të cilat, sipas Dhomave të Specializuara, janë kryer midis marsit të vitit 1998 dhe shtatorit 1999.

Thaçi dhe Krasniqi janë paraqitur ditën e djeshme në Gjykatën e Hagës, ndërsa sot në orën 15:00 do zhvillohet seanca e parë për Kadri Veselin.