Ish-drejtuesi i Policisë: Efektivi vrau me dashje Klodian Rashën, nuk pati sulm nga ana e viktimës

Arjan Hoxha, ish-drejtues i Policisë së Shtetit për Euronews Albania është shprehur se polici mund të gjuajë me armë zjarri ndaj një qytetari kur është në rrezik.

Ai theksoi se arma është mjeti i fundit që një punonjës policie mund të përdorë ndaj qytetarit dhe rekomandohet që të gjuajë në pjesën e poshtme të trupit.

“Policia e Shtetit e ka sanksionuar në të gjitha manualet e veprimtarisë së saj, në procedurat standarde të punës, në ligjin për përdorimin e armës së zjarrit por edhe rregulloret që kanë dalë në zbatim të ligjit. Arma e zjarrit përdoret vetëm si mjet i fundit, ku mjetet e tjera nuk kanë dhënë rezultat, apo duket qartë që ato nuk do të jepnin rezultat nëse do të përdornin. Nëse do të përdoret arma si mjet i fundit dhe i vetmi mjet që mund të përdoret, ajo do të përdoret në pjesët e poshtme, ku nuk rrezikohet jeta e viktimës. Rekomandohet që ajo të përdoret në pjesën e poshtme, në gjymtyrët e poshtme, në këmbë. Arma e zjarrit në distancë aq të afërt nuk mund të përdoret në pjesën e sipërme të trupit, që ka rezultuar me humbjen e jetës së një të riu”, u shpreh ai.

Sa i përket ngjarjes së rëndë, ku Klodian Rasha u vra nga një efektiv, z.Hoxha theksoi se kemi të bëjmë me një vrasje me dashje.

“Kemi të bëjmë më një vrasje të pastër, vrasje me dashje ndaj të riu që po largohej dhe nuk po përbënte asnjë rrezik për punonjësit e policisë. Mungesa e një sulmi në rastin konkret nuk justifikon përdorimin e armës së zjarrit”, u shpreh ai.

Lexoni gjithashtu:

Vrasja e Klodian Rashës, avokati: Policia ndihmoi efektivin, akuza duhet të ishte ‘vrasje me dashje’

Publikohet ekspertiza paraprake, Rasha s’ka plumb në kokë, polici ka qëlluar dy herë

‘Kërkojmë drejtësi’, babai i Klodian Rashës: Fajtori të shkojë atje ku e meriton