Ish-futbollisti tregon pikat e ‘dobëta’ të Kombëtares së Shqipërisë

Kombëtarja e Shqipërisë zhvilloi një paraqitje të mirë mbrëmjen e kaluar kundër Hungarisë dhe kjo i dha mundësi të mbajë veten në garë për të vijuar rrugën në eliminatoret e botërorit “Katar 2022”.

Por ekspertët e futbollit nuk ngurrojnë të shprehin rezervat, por dhe kritikat për mënyrën se ekipi sulmon apo mbron në fushë.

Ish-futbollisti i Kombëtares Elvin Beqiri thotë se mbrojtja duhet të jetë më e kujdesshme, ndërsa shtoi se sulmuesit duhet të jenë më efikas para porte, për të shfrytëzuar mundësitë që krijohen.

“Çdo ekip ka ato problemet, të mirat e të këqijat e tij. Mendoj se ekipi duhet të jetë më i kujdesshëm në fazën mbrojtëse, pasi e pamë edhe me Poloninë dhe Hungarinë, që faza mbrojtëse ka probleme, ajo duhet të jetë e kujdesshme dhe të ruajnë ekuilibrat. Duhet të përmirësohen të gjithë lojtarët, sidomos pjesa e mbrojtjes duhet të jetë e saktë. Këto janë problemet i që pamë tek ndeshja e parë, por edhe pjesa e finalizimit duhet të jetë me e qetë. Mendoj se këto dy aspekte duhet të përmirësohen”, tha ai.

Shqipëria renditet në vendin e tretë të Grupit I me nëntë pikë, duke lënë pas kundërshtarin direkt siç është Hungaria.

LEXONI GJITHASHTU: 

• Ish-futbollisti tregon pikat e ‘dobëta’ të Kombëtares së Shqipërisë