Ish-krerët e UÇK-së në Hagë, kryeministri Rama kërkon shpjegime nga Meta dhe Berisha

Kryeministri i vendit, Edi Rama, ka reaguar sërish pas zhvillimeve të fundit në Kosovë, ku ish-udhëheqësit më të lartë të Ushtrisë Çlirimtare, përfshirë ish-presidentin Thaçi janë dërguar në Holandë, ku dhe pritet të përballën me Gjykatën e Hagës mbi akuzat për krime lufte.

Shefi i qeverisë shqiptare me një shënim në “Twitter” ka kërkuar llogari nga ish-kryeministri Sali Berisha, por edhe nga presidentit i Republikës Ilir Meta mbi arsyet, të cilat i kanë shtyrë të votojnë pro raportit të Dick Marty-t në Këshillin e Evropës.

Gjithashtu, kryeministri Rama përmend edhe emrin e kreut të Partisë Demokratike, Lulzim Basha, ku i drejtohet me pyetjen nëse “ka për të shprehur diçka mbi këtë histori”.

‘Sali pse e votove pro Raportin e Dick Marty në Këshillin e Europës, kur ne e votuam kundër apo doje të mbroje Kosovën nga Hashimi? Po ti Ilir pse e votove pro Raportin e Dick Marty apo s’të pyeti Haxhinasto? Lulëzim ke gjë për të thënë apo s’ta lejon sekreti hetimor?”, shkruan Rama. 

Sali pse e votove pro Raportin e Dick Marty në Këshillin e Europes,kur ne e votuam kundër apo doje të mbroje Kosovën nga Hashimi? Po ti Ilir pse e votove pro Raportin e Dick Marty apo s’të pyeti Haxhinasto? Lulëzim ke gjë për të thënë apo s’ta lejon sekreti hetimor?#KrenarpërPS??

— Edi Rama (@ediramaal) November 7, 2020

Ish-drejtuesi i lartë i UÇK-së, Hashim Thaçi, pas konfirmimit të aktakuzës nga Zyra e Prokurorit Special dha dorëheqjen “live” para mediave nga posti i presidentit të vendit. Ai u shpreh se do të përballet me drejtësinë mbi rolin që ka luajtur gjatë luftës në Kosovë.

“Siç kam premtuar, nuk do të lejoj në asnjë rrethanë që para Gjyqit të dalë presidenti i Republikës së Kosovës prandaj për të mbrojtur integritetin e Presidencës së Republikës së Kosovës, integritetin e shtetit të Kosovës, integritetin dhe dinjitetin e qytetarit të Kosovës, popullit të Kosovës, duke respektuar dhe partneritetin me bashkësinë ndërkombëtare, unë sot jap dorëheqjen nga pozita e presidentit të Republikës së Kosovës”, tha Thaçi.

Krahas ish-presidentit Hashim Thaçi, në Hagë janë dërguar edhe emra të tjerë si kreu i Partisë Demokratike, Kadri Veseli, ish-kryeparlamentari, Jakup Krasniqi, si dhe deputeti i Lëvizjes Vetëvendosje, Rexhep Selimi.

Lexoni gjithashtu: 

Hetime për UÇK edhe në Shqipëri, ligji që i hapi rrugë EULEX-it të hetonte ish-udhëheqësit e luftës

Rama kërkoi shpjegime nga Meta për raportin e Dick Martyt, presidenca: Nxitës i urrejtjes ndaj Kosovës

EULEX bastis shtëpinë e Thaçit, Veselit dhe Selimit, priten arrestime të tjera

Bastisjet e EULEX-it, sekuestrohen disa dokumente nga selia e Partisë Demokratike të Kosovës

Ish-drejtuesit e UÇK-së Thaçi, Veseli dhe Selimi nisen drejt Hagës për t’u përballur me drejtësinë