Ish-kryeministri Mustafa bën thirrje të mblidhet Këshilli i Sigurisë Kombëtare

Ish-kryeministri i Kosovës, Isa Mustafa, e konsideron ‘serioze dhe të rrezikshme’ situatën në veri të vendit.

Në këto kushte, z. Mustafa u bënë thirrje krerëve të shtetit të jenë prezentë në vend, ndërsa shprehimisht kërkon nga Presidentja Vjosa Osmani të thërrasë Këshillin e Sigurisë Kombëtare.

“Situata në veri të Kosovës është tepër serioze dhe e rrezikshme. Në një situatë të tillë , Presidentja, Kryeministri dhe Kryeparlamentari duhet të jenë në Kosovë”, shkruan ai.

Me një reagim në faqen zyrtare në “Facebook”, Mustafa thotë se institucionet e Kosovë duhet të veprojnë në koordinimi të plotë me partnerët ndërkombëtarë.

“Në momente të tilla do duhej të thirret Këshilli i Sigurisë nga Presidentja e vendit dhe të ndërmerren masat e nevojshme duke u koordinuar me partnerët tanë, SHBA, BE, KFOR-in dhe institucionet relevante në Kosovë”, shkruan Mustafa.

LEXONI GJITHASHTU: 

• Albin Kurti: Sulmet në veri të Kosovës nuk do tolerohen, të nxitura nga Serbia