Ish-ministri Taravari: Numri i lartë i vdekjeve në RMV, për shkak të mungesës së vaksinës dhe strategjisë

Ish-ministri i Shëndetësisë në Maqedoninë e Veriut, prof. dr. Arben Taravari tha për Euronews Albania se numri i lartë i vdekjeve nga COVID-19 në këtë vend, lidhen me mungesës e vaksinave dhe të strategjisë së përballjes me pandeminë.

Z. Taravari tha se niveli i lartë i mortalitetit në RMV përgjatë gjithë pandemisë, por veçanërisht gjatë valës së tretë, e rendit RMV të parën në rajon dhe të pestën në botë për numrin e vdekjeve nga virusi.

“263 vdekje në 1 javë me një popullsi jo më shumë se 2 mln banorë e bën vendin tonë të parin në rajon dhe të pestin në botë për nivelin e mortalitetit. Në tërësi, duke marrë gjithë periudhën e pandemisë, RMB është në vendin e 10 në botë për mortalitetit. Kjo situatë nuk ka sqarim tjetër veç mungesës së vaksinave. Nuk janë bërë më shumë se 16 mijë vaksinime dhe kjo falë donacionit të Serbisë”, u shpreh ish-ministri.

Sipas tij, numri i lartë i vdekjeve në RMV lidhet edhe me mungesën e strategjisë nga ana e Ministrisë së Shëndetësie si dhe mungesë së besimit të qytetarëve tek drejtësia, çka bën që shumë prej tyre të kurohen në shtëpi dhe t’i drejtohen spitalit vetëm në gjendje kritike duke humbur edhe jetën.