Ish-presidenti Bill Clinton del nga spitali, si paraqitet gjendja shëndetësore e tij

Ish-presidenti i Amerikës, Bill Clinton ka dalë nga spitali të martën ka bërë të ditur zyra e tij. Clinton, 78 vjeç, u shtrua në spital të hënën pasdite për disa kontrolle te detajuara, pasi kishte pasur ethe.

“Presidenti Clinton doli sot nga spitali pasi u trajtua për grip. Ai dhe familja e tij janë thellësisht mirënjohës për kujdesin e jashtëzakonshëm të ofruar nga ekipi në Spitalin Universitar MedStar Georgetown dhe nga mesazhet e mira dhe urimet që ai mori”, ka njoftuar zyra e tij në një deklaratë”.

Që kur është larguar nga Shtëpia e Bardhë gati një çerek shekulli më parë, presidenti i 42-të ka pasur disa shqetësime shëndetësore.

Ai ka pasur një operacion në zemër në Nju Jork në vitin 2004 dhe përjetoi një kolaps pjesërisht të mushkërive një vit më vonë. Ai ka pasur një tjetër procedurë në zemër në vitin 2010, duke iu vendosur dy stenta në një arterie koronare.

Ai ishte shtruar në spital në Los Anxhelos për gjashtë ditë në vitin 2021 për shkak të një infeksioni urologjik që u përhap në gjakun e tij.

LEXONI GJITHASHTU:

• Ish-presidenti amerikan Bill Clinton shtrohet në spital
• Clinton para zgjedhjeve: Kam shpresë, por dhe frikë për atë që do vijë pas 2024-ës