Italia e boshatisur gjatë festave, Policia kontrolle nëse qytetarët po respektojnë kufizimet

25 Dhjetor 2020 | 08:05

Sikundër në shumë shtete edhe italianët do t’i kalojnë këto festa të izoluar. Nga dita e enjte në shtetin fqinj kanë hyrë në fuqi masat e reja kufizuese, të cilat do t’i shoqërojnë qytetarët gjatë të gjithë periudhës festive.

Një izolim i tillë është i ngjashëm me bllokimin e vendosur gjatë muajve mars-maj, në valën e parë të pandemisë pasi Italia është një nga vendet më të goditur nga COVID-19 në Evropë.

Piazza di Spanja, një nga vendet më të famshme të Romës është thuajse bosh, me pak kalimtarë që mund të shihen jashtë, pjesa më e madhe e dyqaneve po ashtu janë të mbyllur.

Në rrugë ka vetëm oficerë policie, të cilët kanë për detyrë të kontrollojnë banorët nëse janë duke respektuar masat kufizuese.

Qeveria italiane u ka kërkuar qytetarëve të qëndrojnë në shtëpi nga dita e enjte deri të dielën. E po ashtu të mos dalin në 31 dhjetor  deri në 6 janar në vitit 2021. Lejohet të lëvizin vetëm ata që janë të pajisur me certifikata pune, punonjësit e shëndetit, dhe për të blerë ushqimet e nevojshme. Duke qenë se njerëzit kanë  traditë të bashkohen me familjen në festat e fundvitit, qeveria ka lehtësuar kufizimet në një masë të vogël duke lejuar një vizitë familjare në  ditë.

Italia vijon të raportojë shifra të larta me COVID 19. Një ditë më parë u regjistruan në vetëm 24 orë 18,040 infeksione të reja, në total që nga nisja e pandemisë në shtetin fqinj ka rreth 2 milionë të prekur me sars cov 2.

Lexoni gjithashtu:

Krishtlindja e vitit 2020, Papa: Të ndihmojmë të tjerët në vend që të vajtojmë

Masat anti-COVID, nga nesër izolohen miliona qytetarë në Angli, ministri i Shëndetësisë: Varianti i ri i virusit është shqetësues

 

Home Kryefaqja
Shiko në: YouTube
Lajme të Sugjeruara

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

Macron: Fitorja e Magyar shënon fillimin e një epoke të re në Hungari

Presidenti francez, Emmanuel Macron vlerësoi sot fillimin e një “epoke të re” për Hungarinë dhe Evropën, gjatë pritjes në Pallatin Elysee, të kryeministrit të ri...
22:21 | 03/06/2026

Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit

Pas tre orësh, Asambleja e Përgjithshme e Kombeve të Bashkuara përfundoi votimin për të zgjedhur pesë anëtarët e rinj jo të përhershëm të Këshillit të Sigurimit për mandatin 2027-2028....
20:43 | 03/06/2026