Italia e nis europianin me fitore, “të kaltrit” mposhtin 3-0 Turqinë

Kampionati europian filloi më një fitore të thellë të Italisë 3 me 0 ndaj Turqisë.

“Të kaltrit” e Mancinit fituan me golat e Imobile, Injsinje dhe një autogol të Demiral.

Fillim më të mirë nuk mund të kishte. Në ndeshjen hapëse të kampionatit europian, Italia fitoi 3 me 0 kundër Turqisë.

“Të kaltrit” e Roberto Mancinit ishin superior gjatë gjithë 90 minutave të luajtura në “Olimpico” të Romës, por për të shënuar golin e parë do iu duhej ndihma e qendërmbrojtësit të Juventusit, Merih Demiral, i cili në minutën e 53 devijoi aksidentalisht në portën e tij topin e hedhur në zonë nga Berardi.

Pas zhbllokimit të rezultatit Italia ishte edhe më spektakolare në fushë, duke mbyllur në mbrojtje Turqinë, e cila në 30 minutat e fundit u përpoq që mos të humbte me rezultat të thellë. Por kjo tentative e ekipit të Senyl Gynesh nuk u arrit, pasi Imobile fillimisht, dhe më pas Insinje vulosën rezultatin 3 me 0, duke vendosur Italinë menjehërë në listën e favoritëve për të triumfuar në këtë europian.

Sakaq, kampionati europian sot vijon me 3 ndeshjet e radhës në kalendar, Uells – Zvicër, Danimarkë – Finlandë dhe Belgjikë Rusi.

LEXONI GJITHASHTU:

Lei Kraja “ngacmon” portierin e kombëtares Selmani për flokët

Klodiana Shala tregon momentin kur s’ka denjuar as të bëjë foto me Ronaldon