Izraeli liron disa të burgosur palestinezë, pasi Hamasi dorëzoi trupat e 4 pengjeve

Hamasi dorëzoi trupat e katër pengjeve izraelite ndërsa qindra të burgosur palestinezë kanë nisur të lirohen nga Izraeli, në një shkëmbim gjatë natës, i fundit si pjesë e një armëpushimi të brishtë në Gazë.

Autoritetet izraelite i dërguan eshtrat e pengjeve në institutin kombëtar të mjekësisë ligjore pas kryerjes së një ekzaminimi fillestar.

Të arrestuarit e liruar dukeshin të dobësuar, disa prej tyre u mungonin gjymtyrët dhe disa u transportuan në Gaza me ambulanca për shkak të ashpërsisë së plagëve të tyre.

Izraeli gjithashtu i dorëzoi Egjiptit 97 të burgosur palestinezë. Grupi po dëbohet nga Palestina.

Hamasi shprehu gatishmërinë për t’u angazhuar në bisedime për fazën e dytë të marrëveshjes, duke thënë se e vetmja mënyrë për të liruar robërit e mbetur është përmes negociatave.

Armëpushimi hyri në fuqi më 19 janar dhe është respektuar përgjithësisht, pavarësisht pengesave të shumta. Por faza e parë e tij do të përfundojë këtë javë dhe fati i fazës së ardhshme, që synon t’i japë fund luftës, mbetet i paqartë. Hamasi tha se nuk ka marrë ndonjë propozim deri më tani.

LEXONI GJITHASHTU:

• Hamasi: Nuk ka bisedime për armëpushim në Gaza nëse Izraeli nuk liron të burgosurit
• Hamasi liron 6 pengje të tjera izraelite