Izraeli pret që marrëveshja aktuale e armëpushimit me Iranin të zgjatet

Izraeli pret që marrëveshja aktuale e armëpushimit me Iranin të zgjatet, tha një burim për agjencinë e lajmeve Reuters.

Në të njëjtën kohë, Bloomberg ka raportuar se SHBA-të dhe Irani po shqyrtojnë mundësinë e zgjatjes së armëpushimit të tyre me dy javë.

Marrëveshja aktuale dyjavore e armëpushimit e njoftuar fillimisht nga Donald Trump në rrjetet sociale – do të skadojë më 22 prill.

Ka pasur mosmarrëveshje midis Izraelit, SHBA-së dhe Pakistanit nëse marrëveshja përfshinte edhe Libanin, që do të thotë se sulmet e rënda izraelite kanë vazhduar në vend.

Megjithatë, tani duket se po ndërmerren hapa për të rënë dakord për një armëpushim të veçantë për atë konflikt.

Diplomatët izraelitë dhe libanezë zhvilluan bisedime në Uashington dje, ndërsa qeveria izraelite do të takohet më vonë për të diskutuar mundësinë e një armëpushimi në Liban.