Izraeli zapton gjithë Gazën, çfarë dihet nga plani i kabintetit të Netanyahut

Izraeli ka aprovuar të hënë planin për të marrë nën kontroll të gjithë Rripin e Gazës dhe të qëndrojë në territor për një periudhë pa afat.

Lajmin e bënë të ditur dy zyrtarë izraelitë në kushte anonimati. Nëse implementohet, lëvizja do të çojë në shtrirjen e operacioneve izraelite në territorin palestinez dhe ka gjasa të hasë një opozitë të brendshme të ashpër.

Ministrat e kabinetit qeveritar aprovuan planin në orët e para të mëngjesit, disa orë pasi kreu i forcave të armatosura  izraelite deklaroi se ushtria po thërriste në detyrë dhjetëra mijëra rezervistë.

Plani i ri, që sipas zyrtarëve synon të ndihmojë në arritjen e objektivave si mposhtja e Hamasit dhe lirimi i pengjeve në Gaza, do të shtyjë gjithashtu disa qindra mijëra palestinezë drejt jugut të Gazës, ku do të thellohej edhe më shumë gjendja e rëndë humanitare.

Që nga rënia e armëpushimit mes Izraelit dhe Hamasit në mes të marsit, shteti hebre ka zgjeruar kontrollin e tij në enklavën palestineze, duke marrë në dorë 50 për qind të territorit të saj.

Para se armëpushimi të përfundonte, Izraeli ndaloi gjithashtu të gjitha ndihmat humanitare në brezin e tokës, përfshirë ushqimin, karburantin dhe ujin e pijshëm, duke i dhënë jetë krizës më të rëndë humanitare në rreth 19 muaj luftë.

Përmes planit synohet gjithashtu të pengohet që shpërndarja e ndihmave të bëhet nga Hamasi, gjë që sipas izraelitëve ndikon në forcimin e grupit militant.

LEXONI GJITHASHTU:

• Trump pritet të takohet me Putinin në Arabinë Saudite në maj
• Trump urdhëron rihapjen e burgut famëkeq të Alcatrazit