Japonia përgatitet për tajfunin shkatërrues

Një nga tajfunet më të mëdhenj që ka goditur ndonjëherë Japoninë ka ‘mbërritur’ në ishullin jugor të Kyushu.

Tajfuni Nanmadol ka sjellë erëra prej të paktën 180 km/h dhe disa zona mund të kenë 500 mm reshje shiu gjatë ditës së sotme, shkruan BBC.

Të paktën katër milionë njerëzve u është thënë të evakuohen nga shtëpitë e tyre.

Priten përmbytje të mëdha dhe rrëshqitje dheu, ndërsa shërbimet e trenave, tragetet dhe qindra fluturime janë anuluar.

Tajfuni arriti në tokë pranë qytetit të Kagoshima, në majën jugore të Kyushu, mëngjesin e sotëm.

Kyushu është më jugori nga katër ishujt që përbëjnë pjesën kryesore të Japonisë dhe ka një popullsi prej më shumë se 13 milionë njerëz.

Autoritetet kishin lëshuar një “alarm” për ishullin, i pari i vendosur ndonjëherë jashtë prefekturës Okinaëa, i cili përbëhet nga ishujt më të vegjël dhe të largët japonezë në Detin e Kinës Lindore, raporton Japan Times.

Agjencia Meteorologjike e Japonisë tha se Nanmadol do të sillte shira të rrëmbyeshëm, stuhi përgjatë bregdetit dhe erëra aq të fuqishme sa që ekzistonte rreziku që shtëpitë mund të shemben.

LEXONI GJITHASHTU:

• Moti i keq në Elbasan, rrëzohen pemë dhe uji del nga pusetat e bllokuara
• Moti i keq, pezullohet lundrimi i anijeve të vogla dhe ato të peshkimit në Vlorë