‘Je dënuar për shpifje ndaj meje’, Veliaj debat me Tabakun në komision

Debate në Komisionin Hetimor të inceneratorëve mes kryetarit të Bashkisë Erion Veliaj dhe kryetares Jorida Tabaku.

Tabaku ka akuzuar Veliaj se po i devijon pyetjes se cili ka qenë vendimi i Këshillit Bashkiak për ndërtimin e inceneratorit të Tiranës.

Veliaj nga ana tjetër është shprehur se Tabaku është dënuar për shpifje ndaj tij. Ai thekson se kryetarja e komisionit nuk po e lë të flasë.

Debati:

Tabaku: Po e ngatërroni qëllimisht çështjen.

Veliaj: Ti mund të bësh pyetjet, jo përgjigjet e mia. Është e pandershme kjo e bën dhe po e drejton në mënyrë të pandershme këtë komision. Po të jetë për përballjet tona, unë të kam mundur në gjyq dhe je dënuar për shpifje.

Tabaku: Më lexo vendimin e Këshillit Bashkiak

Veliaj: Unë në ndryshim nga ju vij i përgatitur. Më lër të mbaroj. Kam folur vetëm në emër të bashkisë, kam një vendim të Këshillit Bashkiak.

Tabaku: Çfarë frike keni nga vendimi i këshillit bashkiak.

Tabaku: Nëse dilni jashtë objektit të pyetjeve do iu ndaloj përgjigjet.

Veliaj: Nëse me thirre do më dëgjosh, është ekspozuar një gënjeshtër e madhe.

Tabaku: Përgjigju për Bashkinë Tiranë. Më lexo vendimin e Këshillit Bashkiak. Sot je përgjegjës për Bashkinë Tiranë.

Veliaj: Merr pushim qetësohu, unë rri edhe 3 ditë këtu. Pi ujë, merr frymë.

Sot pritet që të dëshmojnë në këtë komision Sekretari i Përgjithshëm i Kryeministrisë, Ëngjëll Agaçi, deputeti i PS, Alqi Bllako, dhe ish-ministri i Energjetikës, Damian Gjiknuri.